Gardëroba e saj kushton mijëra dollarë, blogu i saj ‘fashion’ është i klikuar nga mijëra fansa në ditë, reputacioni i saj prej ‘fashioniste’ është më i madh jashtë kufijve të Shqipërisë sesa brenda saj. Quhet Aureta Thomollari dhe aktualisht është një ndër ikonat e modës shqiptare që po çmend botën. Së fundmi, gardëroba e saj ka tërhequr vëmendjen edhe të disa revistave të huaja të modës, si “Elle” botimi indian dhe disa revista të tjera mode në Belgjikë dhe Holandë. Kjo foto i përkasit një artikulli mbi stilin dhe veshjet e saj, i cili është botuar në botimin Indian të “Elle-s”. /Bluetooth/

Ka kohë që janë duke qarkulluar fjalë për një lidhje dashurie mes këngëtares Elvana Gjata dhe këngëtarit e kompozitorit Flori Mumajesi, por kjo asnjëherë nuk u mohua e as pohua. Gjatë një interviste për medien shqiptare, Elvana Gjata ka mohuar të gjitha këto spekulime, duke thënë se është lodhur duke shpjeguar jetën e saj private dhe se tash është shumë e përqendruar në anën profesionale.

“Të them të drejtën jam lodhur duke shpjeguar jetën time private, marrëdhënien time me Florin që e kam stërthënë nëpër media të ndryshme. Jam duke punuar kaq fort, me kaq shumë dashuri dhe energji këto kohë sa nuk dua t’i jap rëndësi kësaj pjese sepse nuk bën gjë tjetër veçse tërheq vëmendjen kot”, ka thënë Elvana.

Burimi: Koha Net

Dafina Zeqiri, e cila sot është dashur të mbajë koncert në një nga lokalet në Mitrovicë, ka anuluar këtë koncert për shkak të vdekjes së pjesëtarit të Policisë së Kosovës Enver Zymberi.

Më të kuptuar për vdekjen e tij, Dafina nëpërmjet faqes së saj në Facebook ka njoftuar të gjithë fansat se ka vendosur të anulojë koncertin e paraparë për tu mbajtur sot në një lokal në Mitrovicë, duke shprehur keqardhje dhe ngushëllime për familjen e policit të vrarë, raporton Indeksonline.

Dafina Zeqiri, e cila këtë muaj ka realizuar këngën “Dangerously in Love”, së shpejti pritet të vijë me projekte të reja.

Burimi: Koha Net

Ka pasur lajme interesante që kanë ardhur gjatë fundjavës nga Sao Paulo. Pretendohet se një UFO është parë në mëngjesin e ditës së dielë nga dhjetra njerëz në qytetin Embu da Artes, Brazil, i cili është afër Sao Paulo-s. Shumë njerëz ishin në gjendje të merrnin foto me telefonat e tyre dhe i postuan në internet. Gjithashtu janë lëshuar edhe video që kanë regjistruar eventin dhe janë postuar në YouTube.

Madje televizioni lokal brazilian e ka mbuluar këtë histori. Dëshmitarët thonë se ata kanë parë një objekt të madh rrethor në qiell të rrethuar nga drita të verdha me një dritë blu në qendër. Me numrin e madh të njerëzve që e kanë parë ngjarjen (mendohet 30) është e vështirë të besohet se ka qënë iluzion apo halucinacion, megjithatë Forcat Ajrore braziliane dhe policia e kanë mohuar se incidenti i UFO-ve është zhvilluar. /albeu.com/

Shikoni videon :

Fotografi francez Francois-Olivier ka arritur të fotografojë këto pamje të mahnitshme të kësaj grope e cila është quajtur “porta e ferrit” dhe ndodhet në Turkmenistan, në kufi me Rusinë.

Zona ku është kjo gropë para shumë vitesh, rreth 35 vjet më parë ka qenë një zonë gazi dhe në atë kohë Bashkimi Sovjetik kishte shkuar tek kjo zonë për të marr gaz, ndërkohë nga gazi i tepërt u hap një gropë e madhe që lëshonte shumë gaz. Në mënyrë që ky gaz mos të shfaqte probleme tek popullata aty pranë , i vënë zjarrin dhe që prej saj periudhe, domethënë 35 vjet më parë, zjarri nuk ka ndalur dhe rri ashtu siç e shihni në foto. Janë pamje më të vërtetë të habitshme dhe të mrekullueshme, transmeton BW.

Burimi: Koha Net

Soni dhe Mirko do jenë në Sardenja këtë javë, ku pas një viti të tejmbushur me punë, kanë vendosur të pushojnë për pak kohë, aq më tepër që Soni është në pritje për tu bërë nënë së shpejti. Megjithatë duket se dhe në pushime, nuk do mund t’i qëndrojnë dot larg skenës (të paktën asaj televizive), pasi Soni Malaj lansoi videoklipin e saj të ri për këngën “Nën lëkurën tënde” (pjesë e albumit “Unik” i cili është publikuar në fillim të vitit të shkuar), transmeton revista “Albaniac”.
Pasi kënga rezultoi e suksesshme në radio, Soni mori vendimin që t’i bënte dhe një videoklip. Gjatë xhirimeve të klipit ajo, ka qenë në muajt e parë të shtatzënisë. “Nën lëkurën tënde” është një kompozim i Flori Mumajesit, me tekst të Zhakut (Jonida Gjata)

Burimi: Koha Net

Revista italiane “Vogue” ka shpallur këngëtaren e njohura Rihanna femër të vitit.
Bukuroshja nga Barbadosi e mori këtë titull për shkak të punës së saj humanitare, karrierës së suksesshme muzikore dhe aftësisë për të përballuar problemet në jetën e saj private, që e ka dëshmuar edhe pas përfundimit të lidhjes problematike me Chris Brownin, transmetojnë agjencitë.
Nga “Vogue” kanë shtuar se Rihanna, pa diskutim, është kandidatja më e mirë për pop mbretëreshë.
Këngëtarja është paraqitur për herë të parë në ballinën e revistës “Vogue” në shtator 2009.

Burimi: Koha net

Pasi që Jennifer Lopez dhe Marc Anthony kanë konfirmuar publikisht ndarjen, në media kanë nisur thashethemet se kush mund të jetë i dashuri i ri i yllit latin. Sipas spekulimeve të reja, mediet amerikane shkruajnë se P. Diddy dhe këngëtarja, do të bashkohen sërish.
Çifti pasi u nda para dhjetë vjetëve, ndërpreu të gjitha kontaktet.
Por, sipas medieve amerikane, Lopez është përpjekur në mënyrë konstante të kontaktojë P. Diddyn kur kuptoi se martesa po i prishej, dhe përfundimisht, të dytë u takuan në një darkë në New York.

Burimi: Koha Net

Kjo është pak e çuditshme dhe ne nuk dimë si ta kuptojmë apo ta shpjegojmë, por disa ditë pasi Eliza Dushku ka postuar në Facebook dhe Twitter një status “Jam krenare që jam shqiptare!”, Bleona Qereti ka postuar gjithashtu një mesazh në Facebook dhe Twitter ( në faqen e Elizës, shiko foton), i cili i drejtohet aktores me origjinë shqiptare.
Në këto mesazhe Bleona shkruan “Kush është shqiptare tani?’ Si një shqiptare e vërtetë siç pretendon të jesh’ duhet ta dish se nëse sulmon një shqiptar, përgjigja do të jetë më e madhe sesa mund ta parashikoje! Do ishte madhështore sikur faktikisht DO ISHTE VENDI YT! Dhe ti do kishe lindur atje! Çfarë ke bërë për Shqipërinë së fundmi? Më vjen mirë që shikoj se ke Shkruar në ‘koktejet’ e mia për pak publicitet më shumë për të thënë se ‘je shumë patriote’ rreth të qenit shqiptare! “
Nuk e dimë saktësisht se ç’ka ndodhur midis Elizës dhe Bleonës, por mendojmë që ka të bëj me atë thashethemin idiot rreth mohimit të gjuhës shqipe nga Bleona. Pfff! Me sa duket Eliza ka lënë ndonjë mesazh që ka nxehur këngëtaren shqiptare dhe si rezultat…këto që po lexoni. Gjithsesi, këto shkëmbimet e Bleonës na duken pa vend dhe aq më tepër në një rrjet shoqëror kaq publik DHE midis dy personazhesh shqiptare. Përgjigja e Elizës …me modeste dhe më cool. Ajo ka postuar një lidhje në Twitterin e saj ku shkruan ” Paralajmërim: Këtu akuzohem,sepse flas gjuhën time…Kënaquni!, transmeton Vipat.

Burimi: Koha Net

Kim Kardashian u trondit me arsye kur kuptoi se nga nëna kishte trashëguar psoriazën, sëmundjen kronike të lëkurës, e cila manifestohet si skuqje e lëkurës.
Ajo është një nga femrat më të fotografuara në botë, dhe falë modelimit fiton miliona dollarë. Prandaj, është e lehtë të kuptohet dëshpërimi i saj pas diagnostikimit me sëmundjen e lëkurës, transmetojnë mediet amerikane.
Për të mbajtur sëmundjen nën kontroll, mjeku i ka sugjeruar Kimit që të zvogëlojë stresin.
Megjithatë, bukuroshja është ankuar se thjesht kjo nuk është e mundur.

Burimi: Koha Net