Po ben disa muaj qe ne internet mund te gjeni nje rrjet te ri social shqiptar. Ky rrjet social, i cili ka ne baze idene e facebook, eshte lancuar nga nje grup te rinjesh te cilet jane te apasionuar mbas informatikes dhe programimit te faqeve web. Ideja per nje rrjet social shqiptar erdhi pas shume ndryshimesh te bera nga facebook dhe te cilat gjeten kundershtime dhe mospelqime ne radhet e perdoruesve ne mbare boten, por edhe ne ato shqiptar. Pas leshimit te ketij websiti, administratoret e tij, njoftuan se deri tani jane rregjistruar mbi 100 anetare te cilet po shtohen dita dites. Ky website eshte akoma ne faze testimesh, dhe po kryhen ne te modifikime dhe shtime funksionesh te ndryshme. Qellimi i ketij rrjeti eshte te rritet dhe jete sipas pelqimit te anetareve te tij. Pra, ju ftojme dhe ju te rregjistroheni dhe te beheni anetare te rrjetit social Shqiptar Milingonat duke u rregjistruar ne www.milingonat.com

Dhjetëra vatra zjarri janë shfaqur në pyjet e Mirditës gjatë ditës së djeshme dhe po vijojnë edhe sot. Flaket jane shfaqur në fshatin Fang te Mirdite, por ndërhyrja e punonjësve të Bashkisë Rubik ka bërë që fillimisht të shuhej zjarri.

Pas largimit te punonjesve te Bashkise, zjarri eshte ndezuar serish. Kryebashkiaku i Rreshenit akuzon se zjarret ishin te qellimshme dhe kerkon qe edhe institucionet e tjera te nderhyjne per te vene situaten nen kontroll.

Problematike eshte situatra ne fshatin Skuraj te Kurbinit. Banoret ndjehen te frikesuar per perkeqesimin e situates, ndersa apelojne per ndihme. Jane djegur tashme dhjetra hektare me pisha ne gjithe zonen./Top-Channel/

Prej fillimit të vitit 2012 në Gjendjen Civile të Korçës qytetarët nuk mund të pajisen me certifikata si pasojë e mosfurnizimit me certifikata nga Drejtoria e Përgjithshme e Gjendjes Civile.

Edhe pse jane te domosdoshme per nje sere dokumentash, per qytetaret marrja e certifikatave eshte shnderruar thjesht ne nje odise te gjate pritje, ndersa nga ana e bashkise ky lloj dokumenti eshte huazuar nga bashkite e tjera.

Shpesh qytetaret i drejtohen sporteleve te Gjendjes Civile ne pritje per te marre certifikata te llojeve te ndryshme, por ne vend te ketij dokumenti pajisen me flete formati A4, ku nga punonjeset e gjendjes civile shenohen te dhenat dhe gjenerelitetet e nevojshme.

Ky problem nuk eshte regjistruar per here te pare pasi edhe pergjate viteve te fundit e njejta situate ka krijuar probleme dhe vonesa per qytetaret./Top-Chennel/

Një shtetas shqiptar është arrestuar në kufirin shqiptaro-grek gjatë një kontrolli rutinë të autoriteteve greke.
Arrestimi i 23-vjeçarit, emri i të cilit nuk bëhet publik për momentin, u krye në piken kufitare te Kapshticës, në momentin që 23-vjeçari tentoi të kalonte kufirin me destinacion Greqinë.

Edhe pse në kërkim nga Interpoli, i kerkuari ka kaluar kontrollet e policise shqiptare ne Kakavije. Ky eshte nje skandal qe policia po e heton.
Sipas autoriteteve greke, 23-vjeçari ishte ne kerkim nga Interpol Albania, pasi ai akuzohej per grabitje me arme ne Perrenjas te Librazhdit. I riu do t`i dergohet gjykates se Kosturit, e cila do te vendose per ekstradimin e tij ne Shqiperi./Top-Channel/

Janë zhvilluar dy ndeshjet e tjera të Superligës ditën e dielë ku Flamurtari mundi në transfertë 2-0 Pogradecin dhe Laçi po 2-0 fitoi ndaj Tomorrit.
Vendimtar edhe në këtë ndeshje për vlonjatët ka qenë sulmuesi kroat Pero Pejic, i cili pas 13 minutave lojë zhbllokon takimin dhe rreth 11 minuta më pas është Progni që dyfishon rezultatin.
Këto ishin dy momentet vendimtare të ndeshjes, më pas nuk ndodhi më asgjë edhe pse Pogradeci ishte rikthyer pas disa javësh pezullim në fushën e tij, nuk ia doli mbanë të bënte më shumë se kaq.

Ndërkohë Laçi zgjidhi gjithçka në pjesën e dytë në ndeshjen me Tomorrin që u zhvillua në Krujë. Në minutën e 70 Hysa shënon golin e parë dhe tre minuta nga fundi sulmuesi kryeqytetas shënon edhe golin e dytë.
Me këtë tripikësh Laçi parakalon Kamzën dhe ngjitet në vendin e nëntë në rënditje./Top-Channel/

Interin nuk e motivojnë më as kundërshtarët e fortë, pasi Juventusi ka fituar derbin e Italisë 2-0 duke kaluar lehtësisht zikaltërit.
Pas një pjese të parë me raste të shumta të dominuar nga vendasit, në të dytën ndryshon skuadra e Kontes. Futja e Del Pieros në lojë i jep një tjetër ritëm sulmit. Në minutën e 57-të është Kaseres që zhbllokon sfidën pas një krosimi të Pirlos nga këndi.

Pak minujta më pas Del Piero dhuron një asist për Vucinic, por malazesi i hutuar përball Zhulio Sezar gabon. Më pas veterani i Zonjës së Vjetër tregon se është ende i vlefshëm pasi shënon golin e dytë të takimit që mbyll gjithçka. Nga ana tjetër Interi është i pafuqishëm për të shënuar në portën e mbrojtur nga Bufon.
Me këtë fitore Juventusi mban ritmin e Milanit, por sërish 4 pikë prapa, ndërsa Interi mbetet në vendin e tetë./Top-Channel/

Mungesa e Thiago Silvës në mbrojtjen e Milanit ka shkaktuar alarm tek ekipi kuqezi dy ditë para supersfidës së San Siros ndaj Barcelonës.
Sipas sportmediaset.it, Allegri do i besojë veteranit Alessandro Nesta vendin e brazilianit të dëmtuar. Përkrah italianit, i cili i ka kaluar problemet muskulare por nuk është në formën e tij më të mirë, do të luajë Philippe Mexes, ndërsa Daniele Bonera do të spostohet në krahun e djathtë të mbrojtjes.

Një tjetër variant është dyshja Bonera-Mexes në qendër me Zambrotta në krah të djathtë.
Ndeshja e së mërkurës, e vlefshme për çerekfinalet e Ligës së Kampioneve, do të drejtohet nga arbitri suedez Jonas Eriksson.
Ky gjyqtar ka arbitruar vetëm një herë si kuqezinjtë ashtu edhe blaugranat: në sezonin 2008-2009 Milan ka barazuar 2-2 me Werder Bremen (ndeshje e Kupës UEFA), ndërsa në sezonin 2010-2011 Barcelona ka fituar 2-0 ndaj Rubin Kazan (ndeshje e Ligës së Kampioneve)./Top-Channel/

Duhen edhe nëntë ndeshje nga përfundimi i kampionatit spanjoll të futbollit dhe përveç kureshtjes për të marrë vesh se kush do të marrë kurorën e kampionit vëmendja është e përqendruar gjithashtu në trofeun e golashënuesit më të mirë, ose siç quhet në Spanjë: “Pichichi”.

Cristiano Ronaldo dhe Messi, liderët e Real Madrid dhe Barcelona, kanë secili nga 35 gola të shënuar në kampionat dhe në javët e mbetura pritet që këta dy yje të futbollit botëror të shënojnë edhe shumë gola të tjerë.

Të dhënat tregojnë se Messi i ka shënuar golat e tij në këtë mënyrë: 29 me këmbë, 1 me kokë, 2 me goditje dënimi dhe 3 me 11-metërsh.
Golat e Cristianos janë shënuar kështu: 21 me këmbë, 4 me kokë dhe 10 me 11-metërsh.

Vitin e kaluar Cristiano Ronaldo fitoi trofeun Pichichi me 41 gola të shënuar, por këtë vit kjo shifër duket se nuk do të mjaftojë për triumfin personal të portugezit apo argjentinasit./Top-Channel/

Tashmë 10 vite profesionalisht merret me muzikë, ndërsa me këngën ‘’12 muaj’’ mer vendimin për zgjerimin e karrierës së saj në gjithë trojet e Ballkanit. Seksi këngëtarja Tuna Sejdiu (26 vjeçe) ishte konkurruese e festivalit të Eurovisionit për Maqedoninë, por edhe pse nuk shkoi në Beograd, ajo mori shumë çmime në Kosovë e Shqipëri, kurorëzuar me koncertin e Snoop Dogg në Prishtinë, e besueshme në principet e saja hapur flet mbi përvojën në jetën e saj dhe dështimin e një martesë. Në ditarin e saj profesional nuk qëndron vend për improvizime, transmeton yllpress. Kur është në pyetje puna, pa kompromis hidhet në krahët e dashurisë së saj ‘’muzikës’’, duke folur për të gjitha përvojat e saj të jetës. Për momentin është duke punuar disa projekte të reja muzikore, ndërsa paralelisht realizon edhe koncerte. Këtë vit ajo kremton edhe 10 vjetorin e ekzistimit në skenë, ndërsa para realizimit të jubileut të madh, ajo flet për ndryshimet e mëdha të cilat i kanë ndodhur në jetën private dhe profesionale.

Për veten:
Disa muaj isha e varur nga medikamentet për gjumë për shkak të stresit të lartë nga puna e madhe, dhe ndodhte që të mos bëj gjumë aspak…

Dashurohem lehtë, por edhe lehtë ç’dashurohem!
Jam e varur nga ëmbëlsirat. Jam e disiplinuar për të gjitha, por atyre nuk mund t’u ndahem. Shpesh i konsumoj tinëz, ndërsa pastaj mbaj një fjalim para pasqyrës se prej kujt jam fshehur?

I ha thonjtë.
Jam e varur nga rrjetet sociale “Facebook & Twitter”.
Ndonjëherë fshihem nga vetvetja ose nga Tuna tjetër. Egon time e aktivizoj vetëm profesionalisht. Privatisht mendoj se jam shumë normale.

Tuna e ka atë që të tjerët nuk e kanë, ose e kanë pak, guximin!

Biondja bukuroshe ishte një synonim për ju, por binde fansat se edhe me flokë të kuqe mund të dukeni seksi, çka tregon ndryshimi?
Hmm asnjëherë nuk kam pasur frikë të eksperimentoj me flokët, dhe këtë rradhë mendova që është koha për një ndryshim radikal. Nuk dyshoja se do t’u pëlqejë shumicës, ishte një këshillë nga disa profesionist, dhe përveç saj mendoj se jam duke treguar që jam si një kamelon, jam e bindur për ndryshime, çfarë do qofshin ato.

Nuk ka dyshim se eksperimentimin me stilin e arsyetoni me modën. A maten lekët me imazhin, ose prapë dini të vlerësoni se çfarë ju vjen më bukur dhe cfarë është më e përshtatshme që të tërheqin vëmendjen në skenë?
Uf, më duhet të pranoj se edhe pas përvojës shumëvjeçare kam dyshime në zgjedhjet e mia. Por unë kam një armatë njerëzisht që qëndrojnë prapa meje të cilët më japin ideja, bashkërisht i shqyrtojmë dhe gjithë kjo më ka ndihmuar që të rritem si Tuna, stabile, dhe me fjalë të tjera ‘’kështu siç jam’’.

Sa mirë i dini trendët e modës, a keni diçka që fshihni në vete dhe si e bëni atë, askush nuk është perfekt, por…?
Një nga elementet kryesore është personaliteti të njoh trupin tim. Mendoj se e kam mësuar dhe tash e di saktë se në cilin moment, ku dhe si e çfarë të vesh, por edhe të gaboj ndonjëherë. Kështu që askush nuk është perfekt siç thonë të gjithë.

Rrallë këngëtare qëndron mirë në katër anë të skenës, në Maqedoni, Shqipëri, Kosovë e diasporë, ku fitohet më shumë?
(Qesh), në trojet ballkanike, edhe pse e dimë se si funksionon tregu muzikor. Kjo gjë është e pakuptimtë të komentohet.

Thonë që jeni shumë kokëfortë dhe rrallë herë lëshoni pe në qëndrimet tuaja?
E di se shumë bashkëpunëtorëve të mi ju pengon kjo gjë, por gjithashtu di të bëj gjithmonë mirë dhe të arsyetoj gjërat dhe në fund të gjejnë zgjidhje, dhe cka është më e rëndësishme nuk kanë zgjidhje tjetër vetëm të më pranojnë si jam (qesh).

Gjithashtu silleni si yjet botërore dhe keni kërkesa të rënda kur bëhet fjalë për klipe apo koncerte?
Mundohem të nxjerr maksimumin të cilin e kam, nga vetvetja dhe këtë e kërkoj dhe tek të tjerët dhe nuk mendoj që ka ndonjë gjë të keqe këtu. Dita ditës mundohem të sfidoj veten dhe në momente me të vërtetë mendoj se jam mahoiste. Por nga ana tjetër e di vërtetë të vlerësoj miqtë dhe bashkëpunëtorët e mi, dhe t’i maltretoj me gjithë torturën time të cilën e shfaq.

Pse artistët tanë asnjëherë nuk janë bashkuar kundër diçkaje, politikisht janë aktiv vetëm nëse ju paguhet të këndojnë në kampanja dhe mitingje?
Hmm, vërtetë sa pare aq muzikë. Në fakt dhe aq iniciativë. Mënyra se si funksionojnë punët këtu nuk japin hapësirë për kreativitet. Nga ana tjetër nëse bëjmë dallim me tregun muzikor të jashtëm, atje shteti përkrah artistët, për pak të filloj dhe për politikë të flas por më mirë jo, (qesh).

Rrjedhni nga një familje e qytetëruar por a keni kundërshtime me prindërit, miqtë për shkak se jeni artiste por edhe pse zhvisheni?
Për mua vërtetë janë të rëndësishëm prindërit e mi, familja, dhe derisa ata më përkrahin në ambiciet e mia dhe atë që bëj unë, nuk mundohem të arsyetohem tek të tjerët. E rëndësishme për mua ishte që familja ime të ‘’hesht’’ për thashethemet dhe gjitha rreziqet të cilat i mban fama dhe me kalimin e kohës të kuptojnë se ajo është pjesë e punës sime.

Dhe si vendosët për divorc kur të gjithë ne këtu edhe martesën e kemi tabu temë e lere më divorcin?
Nuk mendoj si në Ballkan. Thjeshtë, në momente mendoj se nuk përkas këtu momentalisht. Shpesh dëgjoj këngën ‘’Out of the box’’. Kjo flet më shumë…

Ndoshta jo mjaftueshëm të tregoni se cilat ishin arsyet e divorcit vetëm pas një vit martese?
Thjeshtë nuk funksiononim, nuk isha e lumtur. Ka shumë njerëz të cilët do qëndronin në martesë edhe atëherë kur do ta humbnin buzëqeshjen në fytyrë, vetëm që mos gjenden keq në rrethin ku qëndrojnë. Martesa duhet të ketë një kthesë. Kur biesh dhe zgjohesh pranë personit që jeni përkulur për dashuri të përjetshme, ndërsa nga ajo dalin qëndrime të ndryshme, vjen një moment kur kupton se nuk ka çfarë të japish më shumë dhe nuk mund ta bësh të ndihet mirë as veten as atë. Megjithatë edhe pas divorcit unë nuk kam humbur besimin në martesë. Edhe pse është klishe, por do ta them se koha shëron plagët. Unë vërtetë jam bindur në të. Jam krenare me veten se kam qëndruar fortë në momentet më të vështira të jetës. Të gjithë energjinë e kam dhënë në punë. Por çdo ditë kam gjetur kohë të kujtoj se sa fansat e mi mendojnë për mua, sa më përkrahin dhe më tregojnë dashurinë e tyre. Ndoshta duket jo shumë thjeshtë por publiku im më kujton kur jam e bekuar.

Si është raporti me nënën tënde?
Edhe pse di shumë herë t’i vërsulem si të gjithë të tjerët që bëjnë në momente stresi, menjëherë pastaj pendohem. Mendoj që nëna ime meriton një falenderim të parezervë për përkrahjen që më jep në të gjitha kahet gjithë këto vite. Ajo është një nënë e vërtetë!

Po babi juaj si një boksier i njohur si ka reaguar për muzikën tuaj dhe rrugën të cilën e ke zgjedhur?
Ai që në fillim ka qenë shumë neutral në këtë drejtim, thjeshtë më ka lënë të zgjedh vet atë që dua. Ka raste kur kam qenë shumë e hidhëruar pasi ndonjëherë nuk ka qenë me mua në kohë të caktuara dhe gjithë kohës që jm rritur si artiste. Në anën tjetër jam shumë falënderuese pasi për shkak të kësaj ka bërë nga unë një luftëtare të madhe, ndoshta dhe më e madhe se ai, babi të faleminderit.

Po të dashuroheni? Gjithmonë ka kohë për të…
Do të tingëllonte qesharake, por këtë verë planifikoj të dashurohem. Ky është plani, madje edhe zëdhënësi im mendon se kjo duhet të planifikohet. Në planin e dashurisë stagnoj për momentin, por ndoshta ai është afër meje dhe unë nuk e shoh? (Qesh).

Me çfarë mashkulli do kishit filluar lidhje romantike?
Dua mashkull mbi të gjitha, jo femra! Autoritativ, të duket bukur, të ketë shpirt sportiv, i freskët dhe stabil që të balancojë disponimin tim, tipik për gaforret. Le të mendojë!!! /kOHA nET

TIRANE- Zbulimi i grabitësit e televizorëve plazma ka nxjerrë në dritë edhe një histori të rrallë. Një biznesmeni i falimentuar, që e kishte lënë pasurinë në bastet sportive, kapet duke vjedhur një lokal bastesh. Kjo ishte “hakmarrja” tij ndaj këtyre lokaleve ku kishte lë shumë para. Bashkë me një person tjetër, në vetëm pak kohë, kishin vjedhur 10 televizorë plazma të madhësive të ndryshme. Gjatë kontrollit policia bllokoi edhe një motokarro, që ishte faturuar për të transportuar mallin nga dyqani ku kishin vjedhur deri në afërsi të banesës së njërit prej të arrestuarve. Agim Vatnika (Qoku), 41 vjeç, banues në lagjen Qesarakë të komunës së Dajtit, si dhe Bajram Gjoçaj, 47 vjeç, banues në lagjen Allias të Tiranës, u arrestuan nga komisariati i Policisë nr.4, në kryeqytet me akuzën e vjedhjes në bashkëpunim dhe me thyerje. Të dy personat u arrestuan mëngjesin e djeshëm nga njësia e hetimit dhe e parandalimit të krimit në komisariatin e policisë nr.4, ndërsa ishin duke lëvizur me një motokarro, në drejtim të zonës së Alliasit, pranë shkollës 9 vjeçare “Bajram Curri”, në rrugën “Niko Avrami” .

Vatnika, rreth tetë muaj më parë, ishte arrestuar për të njëjtin aktivitet kriminal, ndërsa një muaj pas arrestimit të tij ishte lënë i lirë nga Gjykata e e Tiranës. Vatnika është i njohur për hetuesit e policisë së Tiranës si një ish-biznesmen, por që tani, jo vetëm se nuk kishte asnjë biznes, por jetonte me qira bashkë me familjen e tij, katër fëmijët dhe bashkëshorten. Për shkak të përfshirjes së tij në bastet sportive dhe në lotaritë e ndryshme, Vatnika humb i biznesin e tij, një lokal dhe një aktivitet tjetër. Po kështu, për këtë shkak, sipas burimeve, ai u detyrua të shiste edhe shtëpinë e tij, në Kodër Kamëz. Në muajin gusht ai u ndalua nga policia e Tiranës, pikërisht për vjedhjen e televizorëve plazma nga një lokal i basteve sportive në kryeqytet.

Sipas burimeve të policisë, edhe ortaku i tij, ishte gjithashtu i dënuar më parë për vjedhje të ndryshme, shitje e shpërndarje droge, etj. Sipas policisë, në momentin e ndalimit, personat ishin duke lëvizur me një motokarro në të cilën kishin ngarkuar 10 televizorë, nga të cilët 4 ishin 40 polësh, 4 të tjerë 32 pololësh e dy të tjerë ishin të vegjël. Sipas të njëjtave burime, personave iu gjetën të ngarkuara në karro edhe tre aparate satelitore për marrjen e sinjalit, si dhe disa aparate për lojëra fëmijësh “playstation”. Televizorët, mësohet se po dërgoheshin në një vend pranë shtëpisë së Bajram Gjoçajt, në rrugën “Njazi Meka”, në Allias. Nga hetimi i kryer policia u zbulua se të dyshuarit për vjedhje, pak kohë para arrestimit, kishin hapur murin e pasmë të një lokali në Qesarakë dhe më pas kishin çmontuar nga lokali të gjithë televizorët dhe pajisjet e tjera që shërbenin për sallën e basteve sportive. Të dy personat u arrestuan nga blutë e komisariatit nr.4, pas një jave vëzhgimi dhe kontrollesh të imtësishme të kryera nga blutë e këtij komisariati.

Vjedhjet e plazmave, tendencë e re e krimit në Tiranë
Vjedhjet e televizorëve plazma, nga pikat dhe lokalet e basteve sportive, prej kohësh janë kthyer në një gangrenë për policinë e kryeqytetit. Kjo pasi sipas specialistëve të hetimit të krimit, ky lloj aktiviteti kriminal, është kthyer në tendencën kryesore të krimeve në kryeqytet. Vetëm për periudhën janar-shkurt e deri në dhjetëditëshin e parë të marsit, policia e kryeqytetit ka regjistruar më tepër se 50 raste të tilla të vjedhjes së pikave dhe lokaleve të basteve sportive. Në të gjithë rastet e regjistruara nga policia, kur janë sulmuar lokale të kësaj natyre, objektivi kryesore i keqbërësve kanë qenë pikërisht vjedhja dhe përvetësimi i televizorëve plazma, vlera e të cilëve në treg kap shifra të konsiderueshme pavarësisht se kohët e fundit përmirësimi i teknologjisë ka sjellë edhe një ulje të ndjeshme të çmimit të tyre. Pavarësisht këtij fakti kompanitë e basteve vazhdojnë të mbeten të goditura nga ky fenomen, duke bërë që policia të rishikojë këtë fenomen kriminal duke zgjeruar dhe spektrin e hetimit ndaj çështjes, apo ndaj personave të dyshuar.

Dy javë më parë, vjedhja e televizorëve te “Mihal Grameno”
Arrestimi i personave të mësipërm është rasti i dytë i goditjes së personave të përfshirë me këtë fenomen në lidhje me vjedhjen ndaj televizorëve plazma, ndaj sallave të lojërave të fatit dhe të basteve. Dy javë më parë, blutë e komisariatit nr.1, ndaluan dy persona në një pikë kontrolli të policisë, ndërsa me vete gjatë kontrollit të mjetit të tyre policia gjeti dy televizorë të këtij modeli që sapo ishin vjedhur nga një sallë e lojërave të fatit në rrugën “Mihal Grameno”, në kryeqytet. Pas ndalimit të tyre, policia nisi hetimet me qëllim zbardhjen e vjedhjeve të tjera që mund të ishin kryer po nga këta persona. Nga hetimi i rasteve të denoncuara, policia ka zbuluar se në disa raste vjedhjet kanë qenë të stimuluara nga vetë punonjësit e kompanive të basteve, apo edhe nga punonjës të afërt me drejtuesit e kompanive të basteve apo të lokaleve ku këto kompani ushtrojnë aktivitetin e tyre./sHEKULLI/